15th Anniversary

今早10點, 終於收到之前在日本HMV訂的ZARD15周年Best album, DVD和寫真集, 星期四中午寄出, 星期六早上便收到, 都算快呢~ 一打開個箱, 看到3樣東西, 心裡即時便想: "打開邊樣先呢?" 最後當然是開寫真集先, 本寫真集真的很豐富, 大多數的相都是以前未看過的, 其中一張泉水騎在一個法國男士的電單車上...真是...羨慕死人...如果是我載泉水就超幸福了~(笑)

看完寫真集, 之後就看DVD, 真的很濃縮...哈哈...雖然有幾個PV都幾搵笨, 但自己就好喜歡「この愛に泳ぎ疲れても」, 「来年の夏も」和「あなたを感じていたい」, 這幾個好鍾意~ 其實, 看清楚DVD的說明, 它早就寫明"代表作的PV, 貴重的寫真和映像", 所以如果只當它是PV Collection, 那一定會有點搵笨的感覺, 哈哈...^^" 但泉水這個15年的軌跡, 始終都是值得去買的.^^

今次15周年, 真是花了不少錢做宣傳, 10月22日便在朝日和讀賣新聞賣了2版廣告, 還是試聽廣告, 讀者用報紙的QR Code, 便可透過手機試聽全部歌曲, 自己雖然都買了當日的朝日新聞, 但不是在日本和用日本手機, 所以當然是無得聽....之後, 在東京渋谷又開了ZARD Cafe, 真的很想去~ 既有泉水的衣裝和相片展覽, 又有大螢幕的PV播放, 而以27首精選歌曲命名的cocktail, 我都好想飲....><" 之後10月25日發賣當日, 又在全國6份主要報章賣全版廣告(買了朝日和日刊sports)...總之, 今次真是似模似樣, 這樣才是15周年啊~~

海外WEZARD會員

今日終於收到5月號WEZARD會刊, 今次真係好奈, 明顯係架Airline WEZARD delay左...

有少少意外既係, 今期有個海外WEZARD會員既介紹, "多謝乘搭本日既Airline WEZARD", 個開頭真係攪野~ 同預期既一樣, 在海外會員中, 韓國人數佔最多. 第2位既係中國, 當中香港會員佔一半以上. 第3位就係台灣. 東南亞, 美加, 荷蘭, 法國個d就唔駛多講. 最令我驚訝既反而係沙地阿拉伯, 唔係掛? 有阿拉伯人會員? 原來係有會員移居左去沙地阿拉伯, 仲以為有阿拉伯人聽泉水添, haha...

至於南美, 就有巴西, 阿根廷和波利維亞, 可惜因為郵費太高, 所以唔接受會員申請. 不過, 人地既然用西班牙文寫信黎問, 好心WEZARD就唔好咁介意呢~ 但最好笑既係, 記得WEZARD以前話唔接受非洲會員, 如果真係有非洲fans, 就真係犀利~

ハートに火をつけて

今日神速買了「ハートに火をつけて」初回限定盤, 包裝幾好, 一睇歌詞, 發現原來之前在網上流傳的歌詞, 居然是假的... 回家後即聽, 即聽泉水作曲既那首「君へのブルース」, 有少少出乎意料, 有些似出道時既style, 要聽奈d先得~

「ハートに火をつけて」既piano instrumental真係好好聽, 好舒服, 平靜中有種幸福既感覺, 結婚時係教堂播就真係一流~

紀念日

今日已經係3月9日, 不知不覺又2年. 之前我在想: 我係唔係每年3月9日都要寫篇日記? 因為記憶中我好似上年也有寫. 因為這個原因, 我今日便睇返我本日記簿, 發覺我上年3月9日原來係無寫的, 只係寫了3月8日, 不過3月8日那篇其實都係講返再上年3月8的事.

雖然已經過了2年, 不過當我望到鐘既時候, 我仍然會自然地想返當時既我身處在什麼地方, 以及做緊什麼, 而奇怪既係, 我仍然記得好清楚, 不但記得, 當日既情景更加係我既腦海中重現, 咁其實都係一件好事黎~

上年3月8日, 我係我篇日記旁貼了一張當日所影既Pola, 今日我原本都想影返一張, 不過今日天色灰濛濛, 所以我最後都無影到. 我係度諗緊, 我今晚要不要睇一睇DVD, 但我今晚又唔係好得��喎...XD

悲しいほど貴方が好き

今日終於買左「悲しいほど貴方が好き」, 一直懷疑係唔係會有另一個封面, 結果係冇的... 算~ 返到企屋後即聽, e?? 點解好似之前DL既那個版本好聽d? 可能因為聽得多所以入左腦, haha... 聽奈少少後, 當然係隻碟好碟d la, 「悲しいほど貴方が好き」絕對係泉水既王道之作呢~

至於首「カラッといこう！」, 雖然我覺得泉水handle得唔錯, 亦都幾好聽, 但我始終覺得個style唔係太適合泉水(至少係現在既泉水...).

追伸: 聽奈少少, 「カラッといこう！」其實又唔錯喎...XD

2月10日

係1991年2月10日, 泉水出左佢既首張細碟「Good-bye My Loneliness」, 而今日正正就係15週年, 真係快呢~ 而計計數, 我亦聽左ZARD既歌成11年, 我有時會想: 如果我可以更早遇見泉水, 咁絕對係一件好事. 近排係日本既歌迷揭示板上, 見到一個喜歡ZARD既13歲中學生既留言, 我係度想: 佢會唔會覺得自己生不逢時呢? 不過我又想, 雖然係就係遲左d, 但能夠係學生時代遇到泉水, 始終都係一件好事黎~

就正如CW最近係揭示板所寫既一樣: 泉水さんの歌詞は、夢・希望を与えてくれますよね。そして、遠くからの励ましを感じます。

對於泉水黎講, 今日絕對係一個重要既日子, 而今日既我, 就遇到以下既事:

今日中午12點, 約左人係沙田傾野. 係將近12點既時候, 當我仍然等緊對方既時候, 突然一個老婆婆走埋黎, 問我點樣落去巴士站. 雖然個一刻我係度等緊人, 但我仍然帶阿婆去, 但行左一陣, 阿婆就話認得路唔使再帶. 臨走前, 個阿婆仲握住我隻手, 話祝我身體健康, 賺多些錢. 個一刻, 我實在感到有些奇怪, 可能新年過左無奈既關係, 所以阿婆先咁講, 我聽先之後, 感覺良好~

其實之前約時間既時候, 我都無記起今日原來就係15週年, 我覺得今日總係會遇到一些好事. 之前阿婆握住我隻手同我講野時, 個種感覺好特別, 就好似一個幸運之神給了一個祝福予我一樣, haha...我可能想像力過份豐富都未定...

之後, 我同約好既人一邊食lunch一邊傾, 但由於掛住講既關係, 結果我既吉列豬扒咖哩只係食左幾啖, 之後已經凍晒, 而杯伯爵紅茶就飲剩1/3, 雖然唔駛我俾錢, 但我都覺得有d嘥... 由於無食過�很邊�關係, 所以最後我就買左個�冀�奶油紅豆包食...XXD

應援歌ranking

都靈冬季奧運會開幕前夕, 日本Oricon Style做左一個應援団長和應援歌的調查選舉. 應援団長Top10, 無一個係我喜歡既人, 不提也罷. 至於應援歌Top10, 第2位係ZARD既「負けないで」, 雖然首歌係ZARD13年前既成名作, 但經過13年, 仍然深入民心, 真係勁呀

泉水Happy Birthday!!

泉水ちゃん、Happy Birthday!!

IZUMI SAKAI Birthday Specail BBS終於完結. 係開始之前, 大家仲話約定係5號11點(日本12點)先開始一齊post, 點知人算不如天算, 團長個guestbook又唔生性, 突然係呢個時候要maintain... 之前團長仲叫我地唔好未夠鐘就急住post, 點知9點無奈, Cary就已經post左, 而我亦接著post, haha... 可能由於我地太早post既關係, 攪到我地即時相形見拙, 而另一邊既上海幫真係人多勢眾... 不過我地最後都從後趕上~ 不過台灣d fans反而唔係好多, 奇怪?? 但最頂唔順都係其中一個, 居然咁寫都有... 真係欠打的, 唔知泉水會有d�彜響�呢?

尋晚2點先去瞓, 而我既最後一個post就係今日既17:59. 相比起上年, 泉水今年只係post左3次, 而且仲好短添... 不過泉水就係咁架喇.

聖誕禮物

今年既聖誕比上年平淡左d, 原因係上年太充實, 泉水和敬子都有Christmas special site, 又有CD送, 又有Christmas goods販賣. 不過, 就算無special site, 我都知泉水一定會有Christmas message, 估唔到既反而係期待已久既新歌消息, 呢個都算係一件幾好既聖誕禮物呢~

尋晚先突然記起, 原來今年我無寄聖誕卡俾泉水, 而且最離譜既係, 我居然係11和12月都從無諗過寄聖誕卡呢件事, 真係......

聖誕時節, 當然係狂聽"あなたを感じていたい", "My Baby Grand 〜ぬくもりが欲しくて〜"和"クリスマス タイム(ZARD Version)". 尋晚因為想睇返"今日はゆっくり話そう"既PV, 於是就搵返隻"今日はゆっくり話そう"DVD出黎, 睇住PV中可愛既泉水, 真係so sweet~ 至於那個Mega Hits request既主持三四六, 見佢一條友不地咁自言自語, 又表情多多, 真係睇到我好好笑~

宣傳板入手

今日係信和�酖晃�到ZARD新大碟既宣傳板貼上價錢, 只係$80. 其實係9月岩岩出碟既時候, 我就已經想買, 但當時�酖硬皇綱�唔肯賣, 所以今日見到, 就即刻諗都唔諗就買落黎.

講真, 80蚊比買poster仲平, 不過其實我只係想要相個部分, 其他部分反而唔係太重要, 但我又無可能拆張相出黎, 唔要其他, 真係幾煩...

ZARD wallpaper

今日online FC出左下年12個月既wallpaper, 都係一般la, 真係鍾意和會用既唔係好多. 不過, 正如WEZARD所講, 2月個張果然唔同, 超正~ 相中既泉水好自然, 好sweet呢~ 所以我亦罕有地, 即時換左2月既呢張做wallpaper.

songs for winter

前幾日玩左個ZARD占卜, 佢話聽大碟"永遠"會帶來好運, haha... 不過咁岩既係, 我近排又真係成日都聽"永遠".

天氣開始轉冷, 所以聽歌時都鍾意聽一些有冬天氣氛既歌. 除左聽"永遠"外, 呢排聽既仲有"Christmas time", 33th single"promised you", 39th single"今日はゆっくり話そう"和大碟"もう探さない". 另外, 以前一到冬天, 我都會掛起"promised you"既海報, 不過上年3月聽完Live後, 我便一直都掛住張Live poster, 掛到依家都仲未換過, 今年換唔換好呢??

Ready, Go! fansite縮小

今日, 智san既Ready, Go! ZARD fansite大幅縮小, 只係剩返揭示板和日記繼續, 其他資料無晒, 雖然智san話下年15週年時應該便會復活, 但我始終覺得好可惜呢~

佢個site係我其中一個必睇既site, 而佢個揭示板, 更加係繼Cary之後, 我留言最多既揭示板. 每當有新消息, Cary同智san既揭示板都係我即去既地方. 雖然揭示板仲繼續, 但一個fansite只剩下揭示板, 總係好唔完整... 依家既心情, 就好似電車男入面個揭示板即將完結時既心情咁, 好唔捨得~ 希望佢個site下年真係復活就好.

「君と今日のことを一生忘れない」最高!

今朝早, 天氣清爽, 有少少微風, 感覺好舒服. 一邊聽新碟, 唔知點解感覺到一份秋意. 雖然香港有排都未到秋天, 但今朝呢種初秋既感覺真係好舒服呢~

由尋晚到今日, 「君と今日のことを一生忘れない」呢首歌都唔知聽左幾多次, 呢首歌絕對係ZARD眾多名曲中既其中一首!!

「君とのDistance」入手

今次呢隻碟, 我個人就好滿意, 好收貨~

整體上, 「君とのDistance」比起上一隻「止まっていた時計が今動きだした」好得多(我當然唔係話上一隻唔好, 只係無今次呢隻咁好啫). 成隻CD, 單睇外表就已然好吸引(從上一隻大碟開始, 最好呢隻), 今次呢隻碟既色調好好, 裡裡外外既橙色, 好有秋天既感覺, 同入面泉水那些相既mood好夾, 而且用硬紙CD盒, 質感比起上次既豪華包裝來得更舒服~

至於d歌, 呢度就唔多講la, 但最尾果首"君と今日のことを一生忘れない"真係好好好~. 其實, 一向以來, ZARD既大碟既last song都係非常好聽, 好impressive(上一隻就例外). 今次可以話係回復返以往last song既水準, 真係令我一聽再聽, 耳油都出晒~

講返今日去�酖糠�碟, 其實我一向比較喜歡去�酖�1號, 因為那個男既睇上去無咁吋. 不過, 我通常都係兩間都行晒先買. 今次, 我都係去左�酖�2號, 吋男個間買. 因為佢地有好多ZARD新碟既宣傳, 見佢地咁大力支持(sell)ZARD, 所以我都要支持下... 呢d都唔知�徑�由黎...(當然, 其實幫邊間買都無分別, 佢地都係同一老細).

現在狂聽中...

君とのDistance CM